လိပ်စာမှတ်တမ်းစာအုပ်

မကြာမီ ကျင်းပပြုလုပ်တော့မည့် သလင်းရတုအထိမ်းအမှတ် အာစရိယပူဇော်ပွဲ အတွက် ရန်ကုန်တွင်ရှိသည့် သူငယ်ချင်းများမှာ အချင်းချင်းဆက်သွယ်၊ စီစဉ်စရာရှိသည်များကို စီစဉ်လျက် ပွဲဖြစ်မြောက်ရေးအတွက် စွမ်းစွမ်းတမံ လှုပ်ရှားနေကြသည်ကို geolfriends94 သူငယ်ချင်းများမှ အထူးပင် ၀မ်းမြောက်ပိတိ ဖြစ်ရပေသည်။
သို့သော် မိမိတို့ အချင်းချင်း နီးစပ်ရာကို လွယ်လွယ်ကူကူ ဆက်သွယ်နိုင်ကြသော်လည်း တစ်ခါတစ်ရံ လိပ်စာအပြောင်းအလဲ၊ အလုပ်အပြောင်းအရွှေ့များကြောင့် ဆက်သွယ်ရန်ခက်ခဲမှုများကိုလည်း တွေ့ကြရသည်။ ထိုသို့သော အခက်အခဲများကို ဖြေရှင်းနိုင်ရန် geolfriends94 မှ သူငယ်ချင်းများက ဒုတိယအကြိမ်မြောက် အာစရိယပူဇော်ပွဲတွင် ADDRESS BOOK ကို စတင် စီစဉ် အကောင်အထည် ဖေါ်ခဲ့ကြသည်။ သို့သော်လည်း အဆိုပါ ADDRESS BOOK သည် သူငယ်ချင်းအားလုံး၏ လိပ်စာနှင့် အခြားအချက်အလက်များ ပြီးပြည့်စုံစွာ ပါဝင်နိုင်ခြင်း မရှိခဲ့သလို၊ ယခု ၂၀၁၀ ခုနှစ် တတိယအကြိမ်မြောက် အာစရိယပူဇော်ပွဲ ကျင်းပချိန်တွင် သူငယ်ချင်းများ၏ လိပ်စာအပြောင်းအလဲများစွာ ရှိနိုင်သည်ဖြစ်သောကြောင့် geolfriends94 သူငယ်ချင်းများက ယခင်ပြုလုပ်ထားသော ADDRESS BOOK တွင် သူငယ်ချင်းတို့၏ အချက်အလက်များကို ထပ်မံဖြည့်စွက် ပြုပြင်သွားမည်ဖြစ်သောကြောင့် လက်ရှိ email လိပ်စာရှိနေသော သူငယ်ချင်းများအားလုံးထံသို့ geolfriends94 မှ email ဖြန့်ဝေလိုက်ပါသည်။
သူငယ်ချင်းတို့၏ လိပ်စာနှင့်အခြားအချက်အလက်များကို ဖြည့်စွက်နိုင်ပါရန်နှင့် မပါရှိသေးသော ကွက်လပ်ကျန်နေသည့် အခြားသူငယ်ချင်းများကိုလည်း လက်ဆင့်ကမ်းပေးနိုင်ကြပါကြောင်း geolfriends94 မှ ဆော်သြလိုက်ရပါသည်။
ဆက်သွယ်ရန်မှာ geolfriends94@gmail.com ဖြစ်ပါသည်။

အကုန်လုံးဖတ်မယ်.....

အမြည်းလေးဘဲကောင်းပါတယ်.....

ပြုပြုသမျှ ကုသိုလ်ရ ကြရအောင်

ကျွန်တော်တို့ ၁၉၉၁-၁၉၉၄ ဘူမိဗေဒ သူငယ်ချင်းများဟာ စုစုပေါင်း အယောက် (၁၀၀)၀န်းကျင်သာ ရှိသော်လည်း....လက်လှမ်းမှီသမျှ ချိတ်ဆက်မိနေကြပြီး ဆရာကန်တော့ပွဲနှင့် နာဂစ်ကဲ့သို့သော အရေးကိစ္စများ ကြုံဆုံလာခဲ့သော် လျှင်မြန်ထိရောက်စွာ ကူညီ၊ပံ့ပိုး ဆောင်ရွက်နိုင်ခဲ့ ကြသည်မှာ အားလုံးအသိပင်ဖြစ်သည်။ အခြားအခြားသော စီနီယာ၊ ဂျူနီယာများကပင် ကျွန်တော်တို့ သူငယ်များ၏ စုစည်း ဆောင်ရွက်နေမှုများကို အံ့သြ လေးစား မုဒိတာပွားလျက် ရှိကြသည်ဟု ကြားသိရသည့်အတွက်လည်း geolfriends94 သူငယ်ချင်းများမှ ၀မ်းမြောက်ဝမ်းသာ ကြည်နူးမိပါသည်။
ယခုဆိုလျှင် အမိရန်ကုန်တက္ကသိုလ် ကျောင်းတော်ကြီးမှ ခွဲခွာခဲ့ပြီး ဘ၀ထိုထို၊ နေရာစုံသို့ ရောက်ရှိနေကြသည့် သူငယ်ချင်းများ၏ လွမ်းမောဖွယ်ရာ အချိန်ကာလများသည် ၁၅နှစ်ကြာ (သလင်းရတု) ချိန်ခါ တိုင်ခဲ့လေပြီ။ ကျွန်တော်တို့၏ သူငယ်ချင်းများ၏ စေတနာထက်သန်စွာ လှူဒါန်းမှုများကြောင့် ဖြစ်တည်လာခဲ့သည့် ဆရာကန်တော့ပွဲများသည်လည်း ယခုအကြိမ်သည် တတိယအကြိမ်မြောက်သို့ ရောက်ရှိလာခဲ့ပေသည်။ သလင်းရတု အထိမ်းအမှတ်လည်းဖြစ်၊ တတိယအကြိမ်မြောက်လည်းဖြစ်သည့် အတွက် သူငယ်ချင်းအားလုံးမှ ပိုမိုတက်ကြွ ရင်ခုန်နေကြသည်။
နိုင်ငံရပ်ခြားတွင် ရောက်ရှိနေသော သူငယ်ချင်းများကလည်း ဆရာကန်တော့ပွဲရက်နှင့် တိုင်ဆိုင်အောင် ခွင့်ရက်ယူ၍ ခေတ္တပြန်လာမည့်သူများရှိသလို၊ မြန်မာနိုင်ငံအတွင်း အဆက်အသွယ်ပြတ်နေပြီး ယခုမှ ပြန်လည်ဆက်သွယ်နိုင်သော သူငယ်ချင်းများနှင့် မိသားစုအရေး၊ စီးပွားရေးများကြောင့် အလုပ်ရှုပ်နေသည့် သူငယ်ချင်းများကလည်း ဆရာကန်တော့ပွဲရက်ကိုချိန်၍ လာနိုင်ရန်ကြိုတင် စီစဉ်နေကြသည်ဟု သိရှိရသည်။
geolfriends94 သူငယ်ချင်းများသည် ယခုအခါ ထိုသို့သော ကြီးကျယ်ခန်းနားမည့် ဆရာကန်တော့ပွဲနှင့် သူငယ်ချင်းများ၏ မိတ်ဆုံစားပွဲကြီးကို အဆင်ပြေချောမွေ့စွာ လုပ်ဆောင်နိုင်ရန် working committee ကိုဖွဲ့စည်း လုပ်ဆောင်နေပေသည်။ အဆိုပါ ကော်မတီမှ ယခုအခါ ယခင့် ယခင်က geolfriends94 သူငယ်ချင်းများ၏ လှူဒါန်းလုပ်ဆောင်ခဲ့သမျှ အချက်အလက်များကို စနစ်ကျနစွာ စုစည်းပြီး သူငယ်ချင်းများအားလုံး မိမိတို့၏ အလှူဒါန ပြုပြုသမျှ ကုသိုလ်ရ ကြရအောင် ဖြန့်ဝေလိုက်ကြောင်း သိရှိရသည်။
ကုသိုလ်ပြုစာရင်းကို သူငယ်ချင်းများအားလုံး ဤနေရာကိုကလစ်လုပ်၍ ရယူနိုင်ပါသည်။

အကုန်လုံးဖတ်မယ်.....

အမြည်းလေးဘဲကောင်းပါတယ်.....